CANTO DEI SANFEDISTI
Brano della tradizione
 A lu suono de grancascia, viva lu populo bascio
A lu suono dei tamburrielli, so' risurte li puverielli
A lu suono de campane, viva viva li pupulane
A lu suono de viulini, morte alli giacubbine.
 
Sona sona, sona Carmagnola,
sona li cunzigli, viva 'o rre cu la Famiglia.
Sona sona, sona Carmagnola,
sona li cunzigli, viva 'o rre cu la Famiglia.
 
A sant'Eremo tanto forte, l'hanno fatto comme 'a ricotta
A 'stu curnuto sbrevognato, l'hanno miso 'a mitria 'ncapa
Maistà chi t'ha traruto, chistu stommaco chi ha avuto
'e signure 'e cavaliere, te vulevano priggiuniere.
 
Sona sona, sona Carmagnola………
 
Alli tridece di giugno, sant'Antonio gluriuso
'e signure 'sti birbante, 'e facettero 'o mazzo tanto
So' venute li Francise, aute tasse 'nce hanno miso
Liberté... Egalité...io arrobbo a te, tu arrubbe a me.
 
Sona sona, sona Carmagnola………
 
Li Francise so' arrivate, 'nce hanno bbuono carusate
evvualà evvualà, cavece 'nculo alla libertà
Addò è gghiuta 'onna Eleonora c'abballava 'ncoppa 'o teatro
mò abballa miez''o mercato, 'nzieme cu mastu Donato.
 
Sona sona, sona Carmagnola………
 
A lu ponte 'a Maddalena, 'onna Luisa è asciuta prena
e tre miedece che banno, nun la ponno fa sgravà
A lu muolo senza guerra, se tiraje l'albero 'nterra
afferraino 'e giacubbine, 'e facettero 'na mappina.

 
Sona sona, sona Carmagnola………
 
Addo e gghiut’onna Elonora c’abballava ‘ncopp’o teatro
mo abballa cu e vruoccole e rape n’ha pututo abballà ‘cchiù
e fernuta l’uguaglianza e fernuta la libbertà
pe vuje so dulure e panza signò jateve a cuccà
 
Sona sona, sona Carmagnola………
 
Passaje lu mese chiuvuso lu ventuso e l’addiruso
a lu mese ca se mete hanno avuto l’aglio arrete
Viva tata maccarune ca rispetta la religgione
giacubbine jate a ‘mmare ca v’abbrucia lu panare
 
Sona sona, sona Carmagnola………
 

 

 

 

INFO: Brano risalente al 1799, periodo della repubblica napoletana (1° repubblica italiana).
Questo canto antigiacobino venne intonato dalle bande reali
favorevoli al governo borbonico capeggiate dal cardinale Ruffo.
Nel testo si rievocano gli episodi clamorosi della rivoluzione del 1799
come l’impiccagione di Eleonora Pimentel De Fonseca,
la finta maternità di Luisa San Felice e l’avvicendamento
di Sant’Antonio a San Gennaro come protettore di Napoli.