- Cicerenella teneva nu’ gallo
- tutta la notte ‘nce jeva a cavallo
- essa ‘nce jeva po senza la sella
- e chisto è lu gallo de Cicerenella
- Cicerenella mia si bbona e bella (x2)
- Cicerenella teneva a’ gallina
- faceva ll’ove sera e matina
- ll’eva ‘mparata a magnà farinella
- e chesta è gallina de Cicerenella
- Cicerenella mia si bbona e bella (x2)
- Cicerenella teneve na’ votta
- metteva da coppa e asceva pe’ sotto
- Mma nun teneva tumpagna e cannella
- e chesta è la votta de Cicerenella
- Cicerenella mia si bbona e bella (x2)
- Cicerenella teneva nu culo
- ca pareva nu cufenaturo
- e ll’ammustrava la notte alli stelle
- e chisto è lu culo de Cicerenella
- Cicerenella mia si bbona e bella (x2)
- Cicerenella teneva na vacca
- aizava la cora e mustrava la ‘ntacca
- essa po’ aizava la soja gonnella
- e chesta è la ‘ntacca de Cicerenella
- Cicerenella mia si bbona e bella (x2)
- Cicerenella teneva o’ palammeto
- o cuorpo a tte a’ capa a mammeta
- pure soreta n’avette na fella
- e chisto è o’ palammeto de Cicerenella
- Cicerenella mia si bbona e bella (x2)
- Cicerenella teneva o’ marvizzo
- o tuojo è muscio e o’ mio s’arrizza
- e comme arrizza bbello
- e chisto è o’ marvizzo de Cicerenella
- Cicerenella mia si bbona e bella (x2)
- Cicerenella s’aizava e matina
- pigliava li pisci dint’ o mantesino
- uno fujette pe ssotto a’ gonnella
- e chisto è lu pisci de Cicerenella
- Cicerenella mia si bbona e bella (x2)
INFO: E' tra le più famose filastrocche napoletane, dagli arguti doppi sensi.
La presente versione è stata raccolta a Pozzuoli. Una storia scritta apposta per una bellissima donna di Pozzuoli che faceva girare la testa a tutti, dai gran signori fino ai popolani.
