O munno steve ‘mpace cu ‘lloro,

Po quanno a legge e l’uommene e cacciaje,

tutto cagnaje.

 

Nun se sape quanno,

po’ nun se sape manco,

nun se sape niente ‘e quanno è nata.

Se dice ca veneva ‘a parte ‘e l’oriente.

Jessa era ‘a mamma dò dio ‘cchiù putente.

 

Dint’’e grotte campava e l’alloro magnava,

dint’’o furore ‘e guerre spiegava.

Tutt’’o munno sapeva, prufezie faceva

e pe sapè sempe a cuma se jeva.

 

‘A Sibilla cumana je sò,

saggia e capace ‘e cunzigli a chi vò.

Quanta guerre, quanta battaglie,

prufezie ‘nduvinate.

Sempe temuta e rispettata,

tutto sapeva ‘a sibilla cumana.

 

Viveva pe nu suonno e po’ campaje mille anni,

pa speranza ‘e turnà ‘a n’epoca ‘e pace.

P’avverà stu suonno mo, ce vuleva tanto

cu nu criature ‘e na vergina madre.

 

Chesta grotta cumana, cu l’averno spuntava,

addò l’inferno la porta arapeva.

Tutt’’o munno sapeva, prufezie faceva

e pe sapè sempe a cuma se jeva.

 

‘A sibilla è na storia c’appassiona ‘o ‘rrè e pure a te.

  ‘A sibilla ‘ncè ca vede si sta guerra è ‘bbona pe te.

 

 

 

 

 

INFO: “Sibilla cumana”, dedicato al più grande mito della terra flegrea.

Nel testo viene menzionato la sua storia:

come nasce, le sue caratteristiche di divinità, dove viveva e ciò che prediceva.